Ҷашни Рӯзи Парчами миллӣ
Душанбе, 23 ноябр. (АМИТ «Ховар», Лутфия Эшонкулова).- Дар тақвими давлатдории тоҷикон санаи 24-уми ноябр ҳамчун Рӯзи Парчами миллӣ эътироф гардида, ҳамасола шаҳрвандони кишвар ин санаро бо руҳияи хештаншиносию ифтихори ватандорӣ таҷлил менамоянд. Тавре ки сомонаи расмии Вазорати корҳои дохилии ҶТ хабар медиҳад, бахшида ба ин санаи таърихӣ дар Раёсати корҳои дохилии шаҳри Душанбе чорабинӣ баргузор гардид. Инчунин дар толори Академияи Вазорати корҳои дохилӣ семинари илмию назариявӣ бо иштироки олимону устодони Академияи ВКД доир шуд. Ҳангоми суханронӣ ҳозирин аз нақш ва мақоми Парчами миллӣ ёдовар гардида, зикр карданд, ки барои ҳифзу қадр кардани муқаддасоти миллӣ ҳар як шаҳрванди ин сарзамин масъул буда, зимни фаъолияти хизматии худ бояд талош намоянд, ки ҳамеша таҳкими сулҳу субот дар кишвар пойдор монда, Парчами миллӣ парафшон бошад.Ба даст овардани Истиқлолияти давлатии Ҷумҳурии Тоҷикистон асос ба он гузошт, ки миллати тоҷик дар раванди соҳибистиқлолии хеш арзишҳои миллию давлатдории худро комилан ба даст оварад. Ҷумҳурии Тоҷикистон дар харитаи сиёсии олам ҳамчун давлати соҳибистиқлоли демократии ҳуқуқбунёди дунявӣ падид омада, соҳиби суруди миллӣ, парчам, нишон ва асъори миллии худ гардид. Аз ҷумла, парчами миллӣ дар созмону ташкилотҳои байналмилалӣ насб гардида, далели соҳибистиқлолии давлатдории тоҷикон буда, аз узви комилҳуқуқ будани миллати мо дар арсаи ҷаҳонӣ дарак медиҳад. Соли гузашта, бо ибтикори Ҳукумати Ҷумҳурии Тоҷикистон маҷмааи Парчами миллӣ бунёд гардида, он бо баландии 165 метр ба китоби «Рекордҳои Геннес» дохил гардидааст.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






