Афзоиши ҳаҷми пасандозҳо идома дорад

Душанбе, 2 ноябр. (АМИТ «Ховар», Ибодат Давлатова).- Тамоюли бомароми зиёдшавии ҳаҷми пасандозҳои мардум дар ташкилотҳои қарзӣ идома дорад. Тавре ки ба мухбири АМИТ «Ховар» аз хадамоти матбуоти Бонки миллии Тоҷикистон иттилоъ доданд, тибқи маълумоти оморӣ дар охири моҳи сентябри соли равон бақияи пасандозҳои аҳолӣ нисбат ба ҳамин давраи соли гузашта 15,3 фоиз афзуд. Таркиби бақияи ҳаҷми пасандозҳо аз 40,2 фоиз ё 1 884,3 млн. сомонӣ маблағҳои шахсони ҳуқуқӣ ва 59,8 фоиз ё 2 802,9 млн. сомонӣ пасандозҳои шахсони воқеӣ иборат мебошанд. Дар нуҳ моҳи соли ҷорӣ фоизҳои миёнавазни пасандозҳо бо пули миллӣ 15,84 фоизи солона ва бо асъори хориҷӣ 13,18 фоизи солонаро ташкил доданд, зикр намуд манбаъ.