«Авесто» дар сар то сари ҷумҳурӣ

Душанбе, 26 ноябр. (АМИТ «Ховар», Лаззат Диловарзод).- Тибқи Барномаи рушди соҳаи пахтакорӣ соли 2012 қариб 80 фоизи майдони кишти пахтаро навъи миёнанах ташкил дод, ки аз он ҳосили дилхоҳ ба даст оварда шуда, пеш аз муҳлат ҷамъоварӣ гардид.Бо дастгирии Ҳукумати ҷумҳурӣ олимони Пажуҳишгоҳи зироаткорӣ соли 2012 дар майдони 2 ҳазор гектар кишти пахтаи навъи маҳиннахи гулаш пӯшидаи «Авесто»-ро ба роҳ монданд, ки он дорои сифати баланди нах мебошад. Бино ба гуфти олимони пажуҳишгоҳ, солҳои минбаъда дар тамоми ноҳияҳои пахтакори ҷумҳурӣ кишти навъи пахтаи «Авесто» ба роҳ монда мешавад. Соли ҷорӣ дар мавсими кишт 15 навъи пахтаи миёнанах дар майдони беш аз 160 ҳазор гектар кишт гардид.-«Пахтаи миёнанахи «Авесто» бартарии худро аз бисёр ҷиҳат нишон дод. Азбаски гулу шонаи ин навъи пахтаи маҳинанахи гулаш пӯшида аз ҳашароти зараррасон ҳифз шуда, ҳосили фаровон дода метавонад, олимон онро барои кишти васеъ дар соли 2013 тавсия мекунанд»,- иттилоъ доданд дар Пажуҳишгоҳи зироаткорӣ ба мухбири АМИТ «Ховар».