Аввалин сехи истеҳсоли дару тиреза

Муъминобод, 21 ноябр. (АМИТ «Ховар», С. Холов).-Дар рӯзҳои ҷашни 20-солагии Иҷлосияи 16-уми Шӯрои Олии ҶТ дар ноҳияи баландкуҳи Муъминобод як корхонаи нави саноатӣ ба фаъолият шуруъ намуд. Корхонаи мазкур бо дастгирии мақомоти иҷроияи ҳокимияти давлатӣ ва соҳибкори маҳаллӣ дар деҳаи Файзободи ҷамоати деҳоти Деҳбаланд мавриди истифода қарор гирифт. Дар корхонаи мазкур дар айни замон 10 нафар сокини маҳаллӣ бо ҷои кори доимӣ таъмин гардиданд. Дар ҶДММ «Иззат Шарифӣ» дару тирезаҳои пластикӣ истеҳсол мешавад, ки ин ягона корхонаи муосир дар ноҳия ба шумор меравад ва таҷҳизот аз давлати Чин оварда шудааст. Роҳбарияти корхона васеъ кардани корхона ва бо ҷои кори доимӣ таъмин намудани дигар сокинони ноҳияро ба нақша гирифтаанд.