Ба 11 деҳа хатти оби нӯшокӣ кашида шуд

Хоруғ, 12 ноябр. (АМИТ «Ховар», Л.Додо ). – Дар деҳаи Деҳрӯшони ноҳияи Рӯшон дар масофаи 5 км хатти обгузар мавриди истифода қарор гирифт. Акнун беш аз 300 нафар сокини деҳа аз оби софи нӯшокӣ истифода мебаранд. Қубуру дигар масолеҳи сохтмоӣ барои ин иншоот бо маблағгузории «Барномаи инкишофи иҷтимоии манотиқи куҳистони Бунёди оғохон» дастрас гардид. Аз шуъбаи меъморӣ ва шаҳрсозии мақомоти маҳаллии ҳокимияти давлатии вилоят иттилоъ доданд, ки дар арафаи ҷашни Иҷлосияи Шӯрои Олии Ҷумҳурии Тоҷикистон дар 11 деҳаи вилоят хатҳои обрасонӣ мавриди истифода қарор гирифтанд.