Бархӯрди “Шевралет оптра” ва “Нисан максима”

Душанбе, 19 ноябр. (АМИТ «Ховар», Музаффари Рустам) — Шабонарӯзи гузашта дар роҳҳои мошингарди ҷумҳурӣ ду садамаи нақлиётӣ ба қайд гирифта шудааст, ки бар асари онҳо як нафар ба ҳалокат расидаву ду каси дигар ҷароҳати ҷисмонӣ бардошта, дар беморхона бистарӣ гардидаанд.  Аскарҷон Шоборонов соати 13: 30 бо мошини тамғаи “Шевралет Оптра” ҳангоми ҳаракат аз самти шаҳри Қурғонтеппа ба ҷониби ноҳияи Данғара бехатарии ҳаракати роҳҳро таъмин карда натавониста, ба мошини тамғаи “Нисан Максима”, ронандааш Саломиддин Абдулоев бармехӯрад, ки дар натиҷа ронандаи «Шевралет Оптра» ҷароҳати вазнини ҷисмонӣ бардошта, дар беморхона ба ҳалокат мерасад. Ронандаи “Нисан Максима” Саломиддин Абдуллоев бошад, ҷароҳати ҷисмонӣ бардошта, дар беморхона бистарӣ мегардад.