Баррасии масоили муҳими тандурустӣ

Душанбе, 12 ноябр. (АМИТ «Ховар», Ибодат Давлатова).- Имрӯз дар маҷлисгоҳи Хадамоти назорати давлатии санитарию эпидемиологии Вазорати тандурустии Ҷумҳурии Тоҷикистон мизи мудаввар оид ба масъалаи расидани Ҷумҳурии Тоҷикистон ба Ҳадафҳои рушди ҳазорсола доир гардид.Тавре ки ба мухбири АМИТ «Ховар» аз маркази матбуоти Вазорати тандурустӣ иттилоъ доданд, чорабинӣ бо ташаббуси Вазорати тандурустӣ ва Ташкилоти ҷаҳонии тандурустӣ дар Тоҷикистон баргузор гардида, дар он масъалаҳои эмгузаронӣ, солимии модарону кӯдакон, мубориза бо бемории сил, ВНМО ва ислоҳоти тандурустии ҷомеа баррасӣ гардиданд.Дар ҷаласа намояндагони Вазорати тандурустии Ҷумҳурии Тоҷикистон ва Ташкилоти ҷаҳонии тандурустӣ ширкат намуда, сухан гуфтанд.