Чанд хабар аз хориҷи кишвар
Буҳрони Аврупо ба бозори Олмон таъсири манфӣ расонд Душанбе, 21 ноябр. (АМИТ «Ховар»).-Мувофиқи иттилои расонаи хабарии BВС News буҳрони Аврупо ба бозори меҳнати Олмон низ таъсири манфӣ расонд. Дар моҳи октябри соли равон назар ба моҳи сентябр танҳо 35 ҳазор олмонӣ ҷойи кор пайдо намуданд. Гарчанде, ки сатҳи бекорӣ дар Олмон ба 6.5 дарсад баробар аст,вале ин раванд мутахасисонро нигарон кардааст. Бояд қайд кард, ки 40 дарсади моли содиротии Олмон ба давлатҳои Аврупо интиқол меёбад. Ҳукуматдорони кишвар баҳри беҳдошти вазъияти мардум дар ин самт тадбирҳо меандешанд. Туфони «Сенди» ба иёлатҳои Амрико хисороти зиёд ворид намуд Душанбе, 21 ноябр. (АМИТ «Ховар»),-Туфони «Сенди» ба хоҷагии халқи баъзе иёлатҳои Амрико ва Канада хисороти зиёд ворид намуд. Ба гуфти шабакаи телевизиони «Алҷазира» чунин ҳодиса дар ин ҷойҳо бори аввал рух медиҳад. Бар асари офати табиӣ дар Иёлоти Муттаҳидаи Амрико ва Канада 48 нафар ба ҳалокат расида, чанд каси дигар бе ному нишон гаштааст. Мувофиқи маълумоти ҳавошиносон тундбоди шадид бо суръати баланд ва харобиовар ба ду минтақаи хушкӣ вазида, ба сўи иёлати Чикагои ИМА ҳаракат мекунад. Тарҷумаи Иброҳими Ҳабибуллоҳ
Пагоҳ дар Донишгоҳи давлатии тиҷорати Тоҷикистон ва Донишгоҳи славянии Тоҷикистон-Русия нишасти матбуотӣ баргузор мегардад
«МЕРОСИ МО». Муассисаи фарҳангии ЭКО нахустин ҷашнвораи байналмилалии аксбардории мобилӣ баргузор менамояд
Имрӯз дар водиҳои Тоҷикистон ҳаво то 38 дараҷа гарм мешавад
Имрӯз дар шаҳри Душанбе ҳаво то 39 дараҷа гарм мешавад
Донишгоҳи давлатии Бохтар ҳамкории байналмилалиро бо муассисаҳои хориҷӣ густариш медиҳад
Шаҳрвандон ва соҳибкорон тавассути ПОС – терминалҳо ва ҳамёнҳои электронӣ 3,7 миллион амалиёти ғайринақдӣ анҷом доданд
Имрӯз дар баъзе ноҳияҳои Тоҷикистон чангу ғубор боқӣ мемонад
Имрӯз дар доманакӯҳҳои Тоҷикистон ҳаво то 34 дараҷа гарм мешавад
