Чанд хабар аз хориҷи кишвар
Задухӯрд миёни қабилаҳои Рахини Мянма Душанбе, 26 ноябр, (АМИТ «Ховар»).- Задухўрдҳои шадид миёни қабилаҳои минтақаи Рахини Мянма то ҳанўз идома доранд. Тибқи иттилои расонаи хабарии «Hamshari News» дар тӯли 10 рӯз шумораи қурбониёни ҳодиса ба 300 нафар расида, зиёда аз ҳазор кас ҷароҳати гуногун бардоштаанд. Тавре ки сардори раёсати матбуоти кишвар хабар медиҳад, муборизаву нофаҳмӣ миёни ду қабила торафт бештар мегардад. Бояд қайд намуд,ки дар натиҷаи ин муноқишаҳои дохилӣ наздики 28 ҳазор сокини минтақаи Рахин манзилҳояшонро тарк намуда, ба дигар минтақа кўч бастаанд. Сокинони азиятдида дар хаймаҳо ва манзилҳои муваққатӣ умр ба сар мебаранд.Роҳбарияти мамлакат бо мақсади ба эътидол овардани вазъияти ногувор тадбирҳо меандешад. Талаби эътирофи мустақилияти Косово аз Сербия Душанбе, 26 ноябр, (АМИТ «Ховар»).- Мувофиқи иттилои расонаи «Al Arabia»-и Арабистони Саудӣ роҳбарияти як қатор кишварҳои Ғарб аз Сербия талаб намекунад, ки мустақилияти Косоворо эътироф намояд. Вале онҳо гуфтушунид миёни Белград ва Приштинаро зарур мешуморанд. Дар ин бора роҳбарони вазорати сиёсати берунаи ИМА ва Иттиҳоди Аврупо Ҳиллари Клинтон ва Кетрин Эштон, ки озими Сербия шудаанд, ибрози назар намудаанд. Сарвазири Сербия Ивитса Дачич ба мардуми кишвар ваъда дод,ки масъалаи Косоворо ба роҳи сулҳ дар муддати 4 соли оянда ҳал хоҳад кард. Норозигии сокинони Испания аз ҳукуматдорон Душанбе, 26 ноябр, (АМИТ «Ховар»).- Тавре ки торномаи телевизиони «Алҷазира»-и Давлати Қатар хабар медиҳад, ба номусоидии боду ҳаво нигоҳ накарда, ҳазорон нафар сокинони Испания боз дар маркази мамлакат- шаҳри Мадрид гирдиҳамоӣ доир намуда, сабабҳои норозигии аҳолиро дар кам кардани хароҷоти бучаи давлат ба ҳукуматдорон баён карданд. Ҳукуматдорон мегӯянд, ки мушкилоти иқтисодӣ дар мамлакат бояд мувофиқи қарорҳои қабулнамудаи Шӯрои зиддибуҳронӣ бартараф шавад. Чанде қабл сарвазири ин мамлакат иброз дошт, ки Испания ба гирифтани кўмаки молиявӣ эҳтиёҷ надорад. Лекин ба акидаи мутахассисони соҳаи иқтисоди қишвар Испания наметавонад бе кўмаки берунӣ мушкилоти худро бартараф намояд. Дар Испания сатҳи бекорӣ ба 25 дарсад расидааст, ки барои ин мамлакат нишондиҳандаи рекордӣ ба шумор меравад. Ин ҳолат сармоядоронро низ ба ташвиш овардааст. Ба гуфти роҳбари Бонки миллии Испания барои аз буҳрони молиявӣ раҳо ёфтани кишвар тақрибан 100 миллиард евро зарур аст. Тарҷумаи Иброҳими Ҳабибуллоҳ








Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд






