«Coca-Cola» дар Тоҷикистон $30 млн. сармоягузорӣ мекунад
Душанбе, 22 ноябр. (АМИТ «Ховар», Бекназари Абӯбакр). — Раиси Кумитаи давлатии сармоягузорӣ ва идораи амволи давлатии ҶТ Давлаталӣ Саидов бо намояндагони ширкати машҳури «Coca-Cola», аз ҷумла бо президенти ширкатиа ҳамкориҳои байналмилалӣ Ҳусейн М. Акин, директори стратегия ва рушди тиҷорат Мелтем Метин ва директори намояндагии «Coca-Cola» дар Тоҷикистон Мустафо Матин мулоқот намуд.Раиси Кумита зикр намуд, ки Ҳукумати Ҷумҳурии Тоҷикистон ҷиҳати ворид шудани ширкати «Coca-Cola» ба иқтисодиёти мамлакат ва сармоягузории он ҳавасманд аст.Дар ин замина қайд шуд, ки Тоҷикистон шароити фазои мусоидро барои сармоягузорон фароҳам оварда, барои ҳама сармоягузорони дунё дарвозаҳои кушода эълон намудааст. Ҳусейн М. Акин зикр намуд, ки дар асл хеле навовариҳои зиёди мусбат дар ҷараёни рушди мамлакат ба назар мерасад ва алҳол фазои сармоягузории Тоҷикистон мусоид гашта, ислоҳоти навин босуръат татбиқ мегарданд. Ӯ зикр кард, ки то ҳол бозори Тоҷикистон аз ҷониби ширкати «Coca-Cola» мавриди омўзиш ва таҳлил қарор гирифта, замони ба бозори Тоҷикистон ворид шудани «Coca-Cola» расидааст. Дар баробари ин, ширкати «Coca-Cola» омодааст татбиқи лоиҳаҳои сармоягузориро оид ба истеҳсоли маҳсулоти худ дар Торҷикистон оғоз намуда, дар марҳилаҳои аввал ба андозаи 30 миллион доллари ИМА сармоягузорӣ кунад ва дар муддати 10 соли минбаъда ин нишондиҳанда 2 маротиба зиёд хоҳад шуд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






