Дар 8 рӯз 28 садамаи нақлиётӣ

Душанбе, 7 ноябр. (АМИТ «Ховар», Музаффар Рустамов). Аз 28 октябр то 4 ноябри соли ҷорӣ дар роҳҳои мошингарди ҷумҳурӣ 21 садамаи нақлиётӣ ба қайд гирифта шуда, ки бар асари онҳо 8 нафар ба ҳалокат расида, 21 нафари дигар бо ҷароҳатҳои гуногуни ҷисмонӣ дар беморхонаҳо бистарӣ гардиданд. Аз ҷумла 3 ноябр соати 02:30 дар ноҳияи Шаҳристон ронандаи мошини тамғаи «Опел-Астра» Абдуҳафиз Абдураҳимови 34 сола ҳангоми ҳаракат дар роҳи мошингарди Душанбе-Хуҷанд дар дохили нақби Шаҳристон аз уҳдаи идораи мошин набаромада, ба автомашинаи тамғаи «СТАР», ки бе ронанда дар канори роҳ меистод, бармехӯрад, ки дар натиҷа ронандаи мошини тамғаи «Опел-Астра» бо ҷароҳати ҷисмонӣ дар беморхона бистарӣ мегардад ва мусофири дохилаш Қаҳрамон Орипови 21 сола ҷароҳати ҷисмонӣ бардошта, дар беморхона ба ҳалокат мерасад. Дар ин бора аз шӯъбаи ташвиқоту тарғиботи раёсати Бозрасии давлатии автомобилии Вазорати корҳои дохилии ҶТ Маҳмадшариф Шамсов иттилоъ дод.