Дар ИМА пирӯзии Барака Обамаро ид мекунанд

Душанбе, 7 ноябр. (АМИТ «Ховар»). – Назар ба хабари CNN, дар ситоди Барак Обама, ҳамчунин дар Ню – Йорк, Бостон, Чикаго ва шаҳрҳои дигари калони Амрико аз нав интихоб шудани президенти амалкунандаро ид мекунанд.Тавре ки маълум гардид, Барак Обама 290 овоз ба даст оварда, аз Митт Ромни пеш гузаштааст. Мувофиқи маълумоти охирин, Обама дар Иёлоти Невада ва Колорадо пирӯз шуда, 15 овози интихобкунандагонро ба даст овардааст. Назар ба хабари васоити ахбори омма, ҳисоби овозҳо ҳанӯз анҷом наёфта бошад ҳам, иёлатҳои боқимонда ба натиҷаи интихобот таъсир расонида наметавонанд.