Даъвати тирамоҳии наваскарон ба 86 % расид

Дущанбе, 13 ноябр. (АМИТ «Ховар», Ибодат Давлатова).- Аз оғози даъвати тирамоҳии шаҳрвандон ба хизмати ҳатмии ҳарбӣ 40 рӯз сипарӣ гардид. Тавре ки ба мухбири АМИТ «Ховар» аз Вазорати мудофиа иттилоъ доданд, то ин дам дар ҳамаи шаҳру навоҳии ҷумҳурӣ иҷрои нақша ба 86 % расидааст. Дар ҷараёни ин маъракаи муҳими сиёсӣ иҷрои нақшаи даъвати шаҳрвандон ба хизмати ҳарбӣ дар вилояти Суғд 83%, дар гарнизони ҳарбии Хатлон 93%, дар ВМКБ 100%, дар ноҳияҳои тобеи ҷумҳурӣ 79 % ва дар комиссариатҳои ҳарбии чаҳор навоҳии пойтахт 84%-ро ташкил медиҳад.Дар маҷмуъ, аз оғоз то ин дам наздики 30 комиссариати ҳарбӣ ва комиссияҳои давлатии даъватии Ҷумҳурии Тоҷикистон аз иҷрои нақшаи даъвати шаҳрвандон ба сафҳои Қувваҳои мусаллаҳ пурра гузориш додаанд, хабар дод манбаъ..