Фестивали «Истеъдодҳои ҷавон»

Хоруғ, 12 ноябр. (АМИТ «Ховар», Л.Додо ). – 3 моҳ қабл Иттиҳодияи ҷамъиятии «Депомирӣ», ки дар шаҳри Хоруғ мустақар асту асосан тоқӣ, ҷӯроб, попӯш, дастпӯшакҳои пашмин, борхалтаҳо, гулдӯзиҳои гуногунро истеҳсол мекунад ва харидоронаш асосан меҳмонҳои хориҷианд, дар ҳамбастагӣ бо раёсатҳои фарҳанг, маориф ва бахши бадахшонии иттиҳодияи нависандагони вилоят фестивали «Истеъдодҳои ҷавон» — ро роҳандозӣ намуд. Тавре ки сардори иттиҳодия Ёралӣ Бердов иттилоъ дод, дар ин давра дар маркази навоҳии вилоят фестивал ҷамъбаст шуда, ғолибон ба фестивали вилоятӣ роҳхат гирифтанд. 10 – уми ноябр дар театри вилоятӣ фестивали «Истеъдодҳои ҷавон» ҷамъбаст гардид.