ХБА ҷонибдори рушди иқтисодии Тоҷикистон
Душанбе, 5 ноябр. (АМИТ «Ховар», Афшини Муқим)- «Мо бо Президенти Ҷумҳурии Тоҷикистон Эмомалӣ Раҳмон роҷеъ ба масоили дорои аҳамияти минтақавию байналмилалӣ ва инчунин рушди иқтисодии Тоҷикистон сӯҳбат доштем»- иброз дошт директори Департаменти Хазинаи Байналмилалии Асъор оид ба кишварҳои Шарқи Наздик ва Осиёи Марказӣ Масъуд Аҳмад пас мулоқот бо Президенти Ҷумҳурии Тоҷикистон Эмомалӣ Раҳмон. Масъуд Аҳмад ба дастовардҳои иқтисодии Тоҷикистон дар чанд соли охир баҳои баланд дода, зикр кард, ки Хазинаи Байналмилалии Асъор ҳамеша ҷонибдори тавсеаи ҳамкориҳо бо Тоҷикистон аст ва дар ин самт аз рӯи тавофуқоти ҳар ду ҷониб барномаҳое рӯи кор омадаву татбиқ мегарданд. Чун Барномаи муштараки Тоҷикистону Хазинаи Байналмилалии Асъор дар доираи механизми васеи қарзӣ муваффақона ба итмом расид, аз ин рӯ Масъуд Аҳмад ҷиҳати таҳия ва қабули барномаи нави ҳамкорӣ бо Тоҷикистон изҳори ҳавасмандӣ намуд. Ба андешаи номбурда, рушди сармоя хусусӣ дар Тоҷикистон ва дар ҳамин замина фароҳам овардани ҷойҳои нави корӣ дар самти тавсеаи минбаъдаи иқтисоди миллӣ нақши муассир хоҳад дошт. Ҳамчунин дар назар аст, ки Масъуд Аҳмад бо ҳайати иқтисодии Ҳукумати Ҷумҳурии Тоҷикистон дидору гуфтугӯ анҷом диҳад.
«МЕРОСИ МО». Муассисаи фарҳангии ЭКО нахустин ҷашнвораи байналмилалии аксбардории мобилӣ баргузор менамояд
Имрӯз дар водиҳои Тоҷикистон ҳаво то 38 дараҷа гарм мешавад
Имрӯз дар шаҳри Душанбе ҳаво то 39 дараҷа гарм мешавад
27 июл дар Донишгоҳи давлатии тиҷорати Тоҷикистон ва Донишгоҳи славянии Тоҷикистон-Русия нишасти матбуотӣ баргузор мегардад
Донишгоҳи давлатии Бохтар ҳамкории байналмилалиро бо муассисаҳои хориҷӣ густариш медиҳад
Шаҳрвандон ва соҳибкорон тавассути ПОС – терминалҳо ва ҳамёнҳои электронӣ 3,7 миллион амалиёти ғайринақдӣ анҷом доданд
Имрӯз дар баъзе ноҳияҳои Тоҷикистон чангу ғубор боқӣ мемонад
Имрӯз дар доманакӯҳҳои Тоҷикистон ҳаво то 34 дараҷа гарм мешавад
