Хизмат дар Артиши миллӣ- фахри ҳар як ҷавон

Хоруғ, 3 ноябр. (АМИТ «Ховар», Л.Додо ). – Дар масъалаи ба Артиши миллӣ даъват намудани ҷавонон монеаҳои алоҳидае сади роҳанд. Ба гуфти мудири бахши маъмурию ҳуқуқии дастгоҳи раиси ВМКБ Ҷумъа Давронбеков, комиссияҳои давлатӣ оид ба сафарбаркунии ҷавонон ба хизмати ҳарбӣ суст фаъолият намуда, дар асл вазифаи онҳоро комиссариатҳои ҳарбӣ иҷро менамоянд. Таҷриба нишон медиҳад, ки асосан ба хизмати ҳарбӣ ҷавонон аз оилаҳои камбизоат сафарбар мегарданд. Барои мисол, дар даъвати баҳорӣ 350 нафар ҷавон аз оилаи деҳқонон ва 29 нафар аз оилаи хизматчиён ба Артиши миллӣ равона шудаанд.