«Иҷлосияи XVI ШО ҶТ— ниҳоди гиреҳкушо»
Душанбе, 08 ноябр. (АМИТ «Ховар», Дилшодаи Хайруллоҳ).- 10 ноябри соли ҷорӣ бо ташаббуси Ташкилоти ҷамъиятии ҷавонон «Созандагони Ватан» дар толори Донишкадаи такмили ихтисоси хизматчиёни давлатии Раёсати хизмати давлатии назди Президенти Ҷумҳурии Тоҷикистон конфронси илмию амалӣ бахшида ба 20-умин солгарди баргузории Иҷлосияи XVI Шӯрои Олии Ҷумҳурии Тоҷикистон дар мавзӯи «Иҷлосияи тақдирсоз» доир мегардад. Дар кори конфронс роҳбарияти Ҳизби Халқии Демократии Тоҷикистон, олимон, муҳаққиқон, намояндагони парлумони кишвар, ҷавонон аз шаҳру ноҳияҳои тобеи марказ ва мактабҳои олии шаҳри Душанбе иштирок мекунанд. Дар назар аст, ки атрофи мавзуъҳои «Иҷлосияи XVI Шӯрои Олии Ҷумҳурии Тоҷикистон — зерпояи бинои сулҳ дар Тоҷикистон», «Нақши Иҷлосияи XVI Шӯрои Олии Ҷумҳурии Тоҷикистон дар таҳкими худшиносии миллӣ», «Баргузории Иҷлосияи XVI Шӯрои Олии Ҷумҳурии Тоҷикистон — марҳалаи ҳассоси Тоҷикистони соҳибистиқлол», «Иҷлосияи XVI Шӯрои Олии Ҷумҳурии Тоҷикистон- ниҳоди гиреҳкушо дар пешрафти ҳаёти иҷтимоию иқтисодии мамлакат» ва «Истиқлолият ва ҷавонон» маърӯзаҳо шунида шаванд. Дар ин бора ба АМИТ «Ховар» раиси ташкилоти «Созандагони Ватан» Адҳам Мирсаидов иттилоъ дод.
ХОРУҒ — БОҒШАҲРЕ ДАР ЛАБИ ДАРЁ. Тавсифи ин шаҳр аз нигоҳи Константин Симонов
Пагоҳ дар Донишгоҳи давлатии тиҷорати Тоҷикистон ва Донишгоҳи славянии Тоҷикистон-Русия нишасти матбуотӣ баргузор мегардад
«МЕРОСИ МО». Муассисаи фарҳангии ЭКО нахустин ҷашнвораи байналмилалии аксбардории мобилӣ баргузор менамояд
Имрӯз дар водиҳои Тоҷикистон ҳаво то 38 дараҷа гарм мешавад
Имрӯз дар шаҳри Душанбе ҳаво то 39 дараҷа гарм мешавад
Донишгоҳи давлатии Бохтар ҳамкории байналмилалиро бо муассисаҳои хориҷӣ густариш медиҳад
Шаҳрвандон ва соҳибкорон тавассути ПОС – терминалҳо ва ҳамёнҳои электронӣ 3,7 миллион амалиёти ғайринақдӣ анҷом доданд
Имрӯз дар баъзе ноҳияҳои Тоҷикистон чангу ғубор боқӣ мемонад
Имрӯз дар доманакӯҳҳои Тоҷикистон ҳаво то 34 дараҷа гарм мешавад
