Ифтитоҳи бинои нави дармонгоҳ дар Душанбе
Душанбе, 20 ноябр.(АМИТ «Ховар», Марзия Саидова).-Дар дармонгоҳи муштараки Ҷамъияти Ҳилоли Аҳмари Тоҷикистон ва Эрон дар Душанбе бинои нави дуошёнаи муоилиҷавӣ ба истифода дода шуд. Тибқи иттилои Абдуфаттоҳ Шафиев -масъули иттилоот ва тамос бо ҷомеаи намояндагии Федератсияи байналмилалии ҷамъиятҳои Салиби Сурх ва Ҳилоли Аҳмар дар Тоҷикистон дар маросими кушоиши бино Президенти Ҷамъияти Хилоли Аҳмари Эрон Абулҳасан Фақеҳ ва котиби генералии Ҷамъияти Ҳилоли Аҳмари Тоҷикистон Зафар Муҳаббатов ширкат намуданд. Бояд тазаккур дод, ки дармонгоҳи мазкур соли 2002 ба фаъолият шуруъ карда буд ва дар шафати он бо назардошти тавсеаи хизматрасонии тиббӣ бинои нави дармонгоҳӣ бунёд шуд. Дар дармонгоҳ ба мизоҷон духтурону мутахассисони тоҷику эронӣ хизмати тиббӣ мерасонанд ва дар оянда теъдоди онхо афзоиш хоҳад ёфт. Ҳамзамон дар дармонгоҳи ҶҲА Тоҷикистону Эрон ба шахсоне, ки аз оилаҳои камбизоат ва эҳтиёҷманданд, хизмати тиббии ройгон расонида мешавад. Бояд тазаккур дод, ки бинои нави дуошёнаи дармонгоҳ дар доираи сафари роҳбарони ҷамъиятҳои Ҳилоли Аҳмари кишварҳои форсизабон- Фотима Гелонӣ аз Афғонистон ва Абулҳасан Фақеҳ аз Эрон ба Тоҷикистон ба истифода дода шуд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






