Ифтитоҳи Маркази фарҳангии амрикоӣ дар Қумсангир

Душанбе, 12 ноябр . (АМИТ «Ховар», Сарвинози Руҳуллоҳ)- Бо дастгирии Сафорати Амрико дар Тоҷикистон дар омӯзишгоҳи касбию техникии ноҳияи Қумсангири вилояти Хатлон Маркази фарҳангии амрикоӣ кушода шуд. Дар маросими ифтитоҳи марказ Сюзан Эллиотт, сафири ИМА дар Душанбе, намояндагони ҳукумати ноҳияи Қумсангир ва роҳбарияти омӯзишгоҳи мазкур иштирок доштанд.  Тавре ки ба хабарнигори АМИТ «Ховар» иттиллоъ доданд, Маркази фарҳангии амрикоӣ бо сарфи беш аз 13 ҳазор доллар аз ҷониби сафорати Амрико роҳандозӣ шуда, инчунин 5 компютер ба шабакаи интернет пайваст мебошад. Зимнан, Сафорати Амрико дар Душанбе шаш «Гӯшаи амрикоӣ»-ро боз кардааст ва тасмим дорад, то боз ду гӯшаи дигари фарҳангиро дар вилояти Суғд ифтитоҳ кунад.