Ифтитоҳи Маркази фарҳангии Амрико дар Панҷакент

Душанбе, 30 ноябр. (АМИТ «Ховар», Сарвинози Руҳуллоҳ).- Дар Донишкадаи омӯзгории шаҳри Панҷакенти вилояти Суғд «Маркази фарҳангии амрикоӣ» бо дастгирии Сафорати Амрико дар Тоҷикистон таъсис ёфт. Тавре ки ба хабарнигори АМИТ «Ховар» аз сафорати мазкур хабар доданд, ҳаҷми умумии ин маблағ 15 ҳазор доллари амрикоиро ташкил медиҳад. Маҳбуба Гадоева, муовини раиси шаҳри Панҷакент гуфт, ин гӯшаи фарҳангӣ барои рушди муносибатҳои Тоҷикистону Амрико мусоидат мекунад. Ва 3 ҳазор донишҷӯи ин донишкада метавонанд аз ин маркази фарҳангӣ истифода карда, сатҳи дониши худро беҳтар ва ҷаҳонбиниашонро васеъ намоянд. Мавриди зикр аст, ки Сафорати Амрико дар Душанбе 6 гӯшаи амрикоӣ, аз ҷумла дар шаҳрҳои Хоруғу Хуҷанд, Ғарму Қурғонтеппа ва Кӯлобу Душанберо боз кардааст ва инчунин дар минтақаҳои Файзободу Қумсангир ва Панҷакент марказҳои фарҳангиро таъсис додааст. Дар назар аст, ки бо дастгирии сафорат чунин марказҳои фарҳангӣ дар шаҳрҳои Истаравшану Мурғоб таъсис дода шавад.