Имзои Ёддошти Тоҷикистону Австрия

Душанбе, 20 ноябр. (АМИТ «Ховар», Фарзона Достонзода). – Чанде пеш дар шаҳри Душанбе мулоқоти муовини раиси Палатаи савдо ва саноати Тоҷикистон Лариса Кислякова бо директори минтақавии Палатаи федералии иқтисодии Австрия Ҳейнтс Валтер баргузор гардид.Тавре ки аз Палатаи савдо ва саноати ҶТ ба АМИТ «Ховар» хабар доданд, ҷонибҳо дар ҷараёни мулоқот аз фаъолияти палатаҳо, самтҳои имконпазири ҳамкорӣ, тарбияи кадрҳо барои бахши тиҷорат, иштирок дар ҳамоиши тоҷирон ва ташкили намоишгоҳҳо дар ҳудуди ҳар ду кишвар нақл карданд. Ҳамчунин масоили вусъат бахшидани фаъолияти суди ҳакамӣ мавриди баррасӣ қарор гирифтанд.Аз рӯи натиҷаи мулоқот тасмим гирифта шуд, ки Ёддошт дар бораи ҳамкории байни ПСС Ҷумҳурии Тоҷикистон ва Палатаи федералии иқтисодии Австрия имзо карда шавад.