Истифодаи афзалиятҳои Стратегияи рушди миллӣ

Ноябрь 12, 2012 15:33

Душанбе, 12 ноябр.(АМИТ «Ховар», Марзия Саидова).-«Дар таҳияи лоиҳаи Қонуни Ҷумҳурии Тоҷикистон «Дар бораи Буҷети давлатии Ҷумҳурии Тоҷикистон барои соли 2013» афзалиятҳое, ки дар Паёми Президенти кишвар ба парлумони мамлакат, инчунин вазифаҳое, ки ба «Стратегияи рушди миллии Ҷумҳурии Тоҷикистон то соли 2015»-ум нигаронида шудаанд, ба инобат гирифта шудааст.  Матлаби мазкур зимни баррасии лоиҳаи қонуни буҷаи Ҷумҳурии Тоҷикистон барои соли 2013 дар ҷаласаи Шўрои палатаи поёнии парлумони мамлакат 12 ноябр зикр гардид. Сафаралӣ Раҷабов- раиси кумитаи иқтисод ва молияи Маҷлиси намояндагон зимни баррасии масъалаи мазкур гуфт, ки лоиҳаи Қонуни «Буҷети давлатии ҷумҳурӣ барои соли 2013» ҳамзамон афзалиятҳои «Стратегияи идораи молияи давлатии Ҷумҳурии Тоҷикистон барои солҳои 2009-2018», Консепсияҳои рушди соҳаҳои маорифу тандурустӣ, кишоварзию энергетика, сохтмони иншооти муҳими иҷтимоию давлатӣ ва дигар қарору барномаҳои Ҳукумати Ҷумҳурии Тоҷикистонро дар бар гирифтааст. Бояд тазаккур дод, ки лоиҳаи қонуни Ҷумҳурии Тоҷикистон «Дар бораи Буҷети давлатии Ҷумҳурии Тоҷикистон барои соли 2013» хусусияти иҷтимоӣ дошта, 6, 4 миллиард сомонӣ ба бахшҳои маориф, тандурустӣ ва ҳифзи иҷтимоии аҳолӣ равона гардидааст. Ҳаҷми буҷаи кишвар барои соли оянда 12,1 миллиард сомонӣ пешбинӣ шудааст, ки нисбат ба буҷаи соли равон 2 миллиард сомонӣ зиёд аст. Интизор меравад, ки палатаи поёнии парлумони мамлакат нимаи дуюми моҳи ноябр лоиҳаи қонуни мазкурро баъди баррасӣ дар ҷаласаи худ қабул хоҳад кард.

Ноябрь 12, 2012 15:33

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд