Истифодаи самараноки замини наздихавлиги

Ҳамадонӣ, 8 ноябр. (АМИТ «Ховар», С. Холов).-Сокинони аксар ноҳияҳои кишвар ба истифодаи самараноки заминҳои наздиҳавлигӣ диққати ҷиддӣ зоҳир намуда, аз ин ҳисоб фоидаи хуб ҳам ба даст меоранд. Сокини ҷамоати деҳоти Чӯбеки ноҳияи Ҳамадонӣ акои Ҷӯрахон боғдориро пешаи худ қарор додааст ва дар чил садяк замини наздиҳавлигӣ дар баробари себу нок ва хурмо парвариши ангурро ба роҳ мондааст. Боғдори пуртаҷриба соли ҷорӣ токзори худро панҷ маротиба бо заҳрхимикатхо коркард кард, то ки ҳашароти гуногун ба ниҳолҳо зарар нарасонад. Ин деҳқони пуртаҷриба имсол аз фурӯши ангур беш аз 20 ҳазор сомонӣ фоида дидааст. Ҳоло дар токзораш қариб се тонна ангур пухта расидааст, ки дар фасли зимистон ба савдо мебарорад. Ҳамчунин дар як садяк замин қаламчаи навъҳои беҳтаринро парваридаасту ният дорад, ки аз давлати Украина боз 150 навъ токи ба иқлими Тоҷикистон мутобиқро оварад ва дар рушди сохаи боғу токпарварӣ ва ҳам таъмини амнияти озуқаворӣ ҳиссаи муносиб гузорад.