Китоби «Меъмори сулҳ» дар Брюссел
Душанбе, 15 ноябр. (АМИТ «Ховар»). – Бо ибтикори намояндагии Тоҷикистон дар Иттиҳоди Аврупо дар шаҳри Брюссел маросими муаррифии китоби «Меъмори сулҳ» баргузор гардид, ки он ба 20 – солагии Иҷлосияи ХУ1 таърихии Шӯрои Олии Ҷумҳурии Тоҷикистон, ҳамчунин мақоми таърихии Президенти Ҷумҳурии Тоҷикистон Эмомалӣ Раҳмон дар истиқрори сулҳ ва ризоияти миллӣ дар кишвар бахшида шудааст. Ин китоб моҳи сентябри соли ҷорӣ дар шаҳри Брюссел ба забонҳои англисӣ ва фаронсавӣ интишор гардид. Дар маросим намояндагони олимақоми Иттиҳоди Аврупо ва НАТО, Вазорати корҳои хориҷӣ ва савдои берунии Белгия, роҳбарони намояндагиҳои дипломатии давлатҳои хориҷӣ дар Брюссел, созмонҳои минтақавию байналмилалӣ, ҳамчунин кормандони васоити ахбори омма иштирок доштанд.Намояндаи доимии Ҷумҳурии Тоҷикистон дар Иттиҳоди Аврупо, Сафир Рустамҷон Солиев аз аҳамияти китоб ҳам барои хонандаи тоҷик ва ҳам барои хонандаи хориҷӣ нақл карда, мақоми Президенти Тоҷикистон Эмомалӣ Раҳмонро дар ташкили давлати соҳибихтиёру демократӣ ва дунявӣ, сулҳу суботи кишвар ва роҳандозии ислоҳоти сиёсию иқтисодӣ ба таври махсус қайд намуд.Дар ин бора аз Раёсати иттилоот, матбуот, таҳлил ва тарҳрезии сиёсати хориҷии ВКХ ҶТ ба АМИТ «Ховар» хабар доданд.








Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд






