Коҳиши қурби миёнаи рубли русӣ ва евро

Душанбе, 2 октябр. (АМИТ «Ховар», Ибодат Давлатова).- Тайи ҳафтаи равон қурби доллари ИМА дар нуқтаҳои мубодилаи асъори шаҳрҳои Душанбе, Хуҷанд ва дигар минтақаҳои ҷумҳурӣ дар маҷмӯъ тамоюли пастшавиро ба худ касб намуда, ба ҳисоби миёна 1 доллари ИМА ба қимати 4,8250-4,8430 сомонӣ хариду фурӯш мешуд. Тавре ки ба мухбири АМИТ «Ховар» аз хадамоти матбуоти Бонки Миллии Тоҷикистон хабар доданд, дар ин рӯзҳо қурбҳои миёна аз рӯи амалиёт бо рубли русӣ ва евро низ каме паст фаромада, мувофиқан ба 0,1515-0,1525 ва 6,1680-6,2120 сомонӣ баробар шуданд. Бояд зикр намуд, ки 1 ноябр дар нуқтаҳои мубодилаи асъори шаҳри Душанбе қурби миёнаи доллари ИМА дар ҳудуди 4,8280-4,8440 сомонӣ қарор гирифт.