Конфронси 18-уми илмию амалии тиббӣ

Душанбе, 28 ноябр. (АМИТ «Ховар», Лаззат Диловарзод).- 27-уми ноябри соли ҷорӣ дар толори Шӯрои олимони Донишкадаи такмили ихтисоси баъдидипломии кормандони тибби Тоҷикистон дар мавзӯи «Дастовардҳо ва дурнамои беҳсозии сифати таълим ва хизматрасонии тибби муосир» конфронси 18-уми илмию амалӣ баргузор гардид.Конфронсро ректори донишкада, раиси кумитаи тадорукот, профессор Аъламхон Аҳмадов ифтитоҳ намуд. Иштирокдорони конфронс дар се ҷаласаи сексионӣ аз рӯи 34 масъалаи пешниҳодгардида андешаҳои худро иброз намуданд.Баъди нисфирӯзӣ ҷаласаи ҷамъбастӣ натиҷагирии конфронси 18-уми солонаи илмию амалиро аз рӯи мавзуъҳои «Дастовардҳо ва дурнамо дар беҳтар намудани сифати таълим ва хизматрасонии тибби муосир» (маърӯзачӣ профессор Гулмуродов.М.Г), «Дастовардҳо ва дурнамо дар беҳтар намудани сифати таълим» (профессор МирзоеваЗ.А.), «Дастовардҳо ва дурнамо доир ба беҳсозии ёрии тиббӣ дар амалияи бемориҳои дарунии кӯдакон ва калонсолон» (маърӯзачӣ Аъзо кор.хориҷии АИТ ФР ОдинаевФ.И.) баргузор гардид.Ректори донишкада, пофессор А.Аҳмадов дар ҷаласаи ҷамъбастӣ иброз намуд, ки дар натиҷаи тараққиёти илму техникаи муосир системаи таълим рӯз то рӯз рӯ ба беҳбудӣ мениҳад. Дар донишкада кормандони баландихтисос барои соҳаи муайяни фаъолияти касбӣ тайёр гардида, донишу ихтисосашон такмил дода мешавад. Дар айни замон дар донишкада «Маркази тиббии бо далел собитшуда» ва «Таълим дар фосила» амал мекунад.Қариб дар ҳамаи кафедраҳои клиникавии донишкада барои ташхис ва муолиҷаи беморон аз технологияи муосир истифода мешавад.Ба гуфти ректори донишкада, кормандони кафедра ба дастовардҳои баланд ноил гардиданд. Кормандони кафедраи ҷарроҳӣ ва иншоршиносӣ дар конгресси Евро-медика иштирок намуда, бо ду медали КОХ, ду медали Билрот ва ду медали шаъну шараф сазовор гардиданд.