Курсҳои муштараки сарҳадбонони ҶТ ва ҶИА

Душанбе, 14 ноябр. (АМИТ «Ховар»). – Чанде пеш курсҳои оид ба расонидани ёрии таъҷилии тиббӣ барои кормандони пулиси сарҳадии Афғонистон ва қӯшунҳои сарҳадии Тоҷикистон анҷом ёфтанд. Курсҳо дар ҳошияи лоиҳаи Маркази Созмони амнияту ҳамкорӣ дар Аврупо ҷиҳати афзун намудани нерӯи сохторҳои зикршуда ба манзури ҷилавгирии сарҳадшиканӣ доир гардиданд. Дар ин бора аз Маркази Созмони амнияту ҳамкорӣ дар Аврупо ба АМИТ «Ховар» хабар доданд.Сарҳадбонони Ҷумҳурии Тоҷикистон ва Ҷумҳурии Исломии Афғонистон дар курсҳо усулҳои расонидани ёрӣ ба шахсони маъюбу захмишударо омӯхтанд. Машғулият ба онҳо имкон медиҳад, ки донишҳои назариявӣ ва малакаҳои худро ҷиҳати расонидани ёрии таъҷилии тиббӣ такмил диҳанд.Маркази Созмони амнияту ҳамкорӣ дар Аврупо соли 2013 низ чунин курсҳоро барои таҳсили афсарони ҳар ду кишвар роҳандозӣ мекунад.