Манбаи тайёр кардани мутахассисон

Шаҳринав, 7 ноябр. (АМИТ «Ховар», Ҳотам Рабиев).- «Тибқи барномаи махсус бо маблағи 6 миллиону 466 ҳазор сомонӣ мо тамоми хобгоҳ, биноҳои таълимиро таъмиру таҷдид хоҳем кард», иброз дошт ба хабарнигори АМИТ «Ховар» директори омўзишгоҳи касбию техникии рақами 11-и ба номи Чўтак Урозови ноҳияи Шаҳринав Шамсиддин Алиев. Омўзишгоҳи мазкур ҳанўз соли 1936 ба фаъолият шуруъ карда, дар тарбияи мутахассисони хоҷагии қишлоқ саҳми арзанда дорад. Ҳоло омўзишгоҳ аз рўи ихтисосҳои тракторчӣ, дўзанда, ҳисобчӣ, барқчӣ ва дигар касбҳо мутахассис тайёр менамояд. Ҳамчунин дар ин ҷо курсҳои кўтоҳмуддати омўзиши компютер амал менамоянд. Омўзишгоҳ дорои 46 гектар замини обӣ буда, ин заминҳо пурсамар истифода мешаванд.