Муҳокимаи масоили технологияҳо

Душанбе, 1 ноябр. (АМИТ «Ховар», Людмила Дубинина). – Мутобиқи Стратегияи давлатии технологияҳои иттилоотию коммуникатсионӣ барои рушди Тоҷикистон 1 ноябр дар Донишгоҳи славянии Русия ва Тоҷикистон мизи мудаввари «Технологияҳои иттилоотию коммуникатсионӣ ва масъалаи тарбияи мутахассисон» баргузор гардид. Дар муҳокимаи ин мавзӯъ олимони Академияи илмҳои Тоҷикистон, Донишгоҳи славянии Русия ва Тоҷикистон ва донишкадаҳои дигари олии кишвар иштирок намуданд.Вазифаи асосии роҳандозии ин чорабинӣ иборат аз муайян намудани талабот ба мутахассисони варзидаи ҳамаи соҳаҳои иқтисодиёти миллӣ буд. Иштирокдорони мизи мудаввар вазъият ва дурнамои рушди технологияҳо, ҳамчунин истифодаи технологияҳои муосири иттилоотию коммуникатсионӣ, техникаи комютерӣ барои афзоиши нерӯи иқтисодии кишвар ва ба ҷомеаи иттилоотии ҷаҳон ворид шудани Тоҷикистонро таҳлил намуданд.Дар анҷоми мизи мудаввар иштирокдорони он академики Академияи илмҳои Тоҷикистон Зафар Усмоновро ба муносибати 75 — солагии зодрӯзаш муборакбод карда, ба ӯ тансиҳатӣ ва беҳбудӣ орзӯ намуданд.Хотирнишон месозем, ки доктори илмҳои физикаю математика, профессор, академики Академияи илмҳои Тоҷикистон Зафар Усмонов узви вобастаи Академияи табиатшиносии Русия буда, чун мутахассиси моҳири бахши риёзӣ берун аз ҳудуди ҷумҳурӣ маъруфу машҳур аст.