Муҳокимаи шаффофияти буҷаи Тоҷикистон

Душанбе, 30 ноябр. (АМИТ «Ховар», Кристина Эрлих ). – Бо ибтикори Иттиҳодияи ҷамъиятии «Маркази рушди шаҳрдорӣ» ва шӯъбаи Созмони байналмилалии Пажӯҳишгоҳи «Ҷомеаи кушода» дар шаҳри Душанбе конфронси байналмилалӣ дар мавзӯи «Шаффофияти буҷа дар Тоҷикистон» баргузор гардид. Дар ин бора аз намояндагии Пажӯҳишгоҳи «Ҷомеаи кушода» ба АМИТ «Ховар» хабар доданд. Дар кори конфронс коршиносони Қирғизистону Гурҷистон ва намояндагони мақомоти маҳаллии ҳокимияти шаш шаҳру ноҳия, ҳамчунин намояндагони созмонҳои ҷомеаи шаҳрвандии ноҳияҳои дигари кишвар ширкат доштанд. Конфронс омили баррасии масоили мухталиф аз ҷониби коршиносҳои кишварҳои гуногун гардид, ки мақсад аз он рушди шаффофияти буҷа дар Тоҷикистон мебошад.Дар татбиқи лоиҳаи мазкур Маркази технологияҳои ҷамъиятии Ҷумҳурии Қирғизистон ва Пажӯҳишгоҳи таҳқиқи иҷтимоию иқтисодии Ҷумҳурии Гурҷистон саҳм гузоштаанд.