Мукокимаи рушди илми тибби муосир
Душанбе, 20 ноябр. (АМИТ «Ховар», Мавзуна Бойева).- Имрӯз бахшида ба 80-солагии олими шинохтаи соҳаи тибб Юсуф Исҳоқӣ 60-умин конфронси солонаи илмию амалии ДДТТ ба номи Абуалӣ ибни Сино дар мавзӯи «Ҷанбаҳои назарӣ ва амалии рушди илми тибби муосир» баргузор гардид.Дар конфронс аз шаш давлати хориҷӣ, чун Русия, Лаҳистон, Беларус, Ҷумҳурии Исломии Афғонистон 26 нафар олимони муътабар ширкат варзиданд.Чорабинии мазкур ду рӯз идома меёбад ва дар он 136 маърӯзаи илмӣ шунида мешавад. Маърӯзаҳои мазкур фарогири масъалаҳои муҳими бахши ҷарроҳӣ, бемориҳои дарунӣ, тибби назарӣ, физиология ва оториноларинголия буда, зимни пешниҳоди онҳо мушкилоти дар ин самтҳо мавҷуд буда мавриди баррасии амиқу доманадор қарор хоҳанд гирифт. Рӯзномаи конфронс низ хеле гуногунҷанба буда, ба он масоиле, ки ба дурнамои рушди тибби асри ХХI робита доранд, ҳамчунин масъалаҳои мубрами тиббӣ, назарӣ, раванди татбиқи ёрии поллиативӣ дар таҳсилоти тиббӣ, иштибоҳи табибон ва роҳҳои бартараф намудани он, раванди рушди микроҷарроҳии реконструктивӣ ва пластикӣ, дастовардҳо ва стратегияи рушди ҷароҳии дил дар мамлакат шомил мебошанд.
Пагоҳ дар Донишгоҳи давлатии тиҷорати Тоҷикистон ва Донишгоҳи славянии Тоҷикистон-Русия нишасти матбуотӣ баргузор мегардад
«МЕРОСИ МО». Муассисаи фарҳангии ЭКО нахустин ҷашнвораи байналмилалии аксбардории мобилӣ баргузор менамояд
Имрӯз дар водиҳои Тоҷикистон ҳаво то 38 дараҷа гарм мешавад
Имрӯз дар шаҳри Душанбе ҳаво то 39 дараҷа гарм мешавад
Донишгоҳи давлатии Бохтар ҳамкории байналмилалиро бо муассисаҳои хориҷӣ густариш медиҳад
Шаҳрвандон ва соҳибкорон тавассути ПОС – терминалҳо ва ҳамёнҳои электронӣ 3,7 миллион амалиёти ғайринақдӣ анҷом доданд
Имрӯз дар баъзе ноҳияҳои Тоҷикистон чангу ғубор боқӣ мемонад
Имрӯз дар доманакӯҳҳои Тоҷикистон ҳаво то 34 дараҷа гарм мешавад
