Мулоқот бо роҳбарони ташкилотҳои қарзӣ

Душанбе, 22 ноябр. (АМИТ «Ховар», Ибодат Давлатова).- 21 ноябри соли равон бо иштироки намояндагони Бонки миллии Тоҷикистон, ташкилотҳои қарзӣ, Ассотсиатсияи бонкҳои Ҷумҳурии Тоҷикистон ва Хазинаи суғуртаи пасандозҳои шахсони воқеии кишвар машварати корӣ баргузор гардид.  Тавре ки ба мухбири АМИТ «Ховар» аз маркази матбуотии Бонки миллӣ иттилоъ доданд, дар он масъалаҳои рӯзмарраи низоми бонкии мамлакат, аз ҷумла татбиқи сиёсати пулию қарзӣ, вазъи низоми бонкӣ, бозорҳои пулӣ ва коғазҳои қиматнок, андешидани тадбирҳо дар самти муқовимат ба қонунигардонии даромадҳое, ки бо роҳи ҷиноят ба даст омадаанд, мавриди баррасӣ қарор гирифтанд. Дар ҷаласа роҳбарони бонкҳо ва ташкилотҳо дар мавриди масъалаҳои ҳалталаби низоми бонкии кишвар ибрози назар намуда, пешниҳоду дархостҳои худро барои боз ҳам беҳтар кардани хизматрастониҳои бонкию молиявӣ изҳор доштанд.