Мулоқоти Э.Раҳмон бо М.Аҳмад
Душанбе, 5 ноябр (АМИТ «Ховар»).-Имрӯз Президенти кишвар Эмомалӣ Раҳмон Директори Департаменти Хазинаи Байналмилалии Асъор (ХБА) оид ба кишварҳои Шарқи Наздик ва Осиёи Марказӣ Масъуд Аҳмадро ба ҳузур пазируфт.Дар мулоқот масоили ҳамкории пурмаҳсули Тоҷикистон бо ин муассисаи бонуфузи байналмилалии молиявӣ баррасӣ шуд.Бо қаноатмандӣ зикр гардид, ки сарфи назар аз вазъи мураккаби иқтисоди ҷаҳонӣ ва таъсири манфии мушкилоти минтақавӣ, Барномаи муштараки Тоҷикистону Хазинаи Байналмилалии Асъор дар доираи Механизми Васеи Қарзӣ бо муваффақият ба итмом расид.Аз нишондодҳои рушди иқтисодии Тоҷикистон дар 9 моҳи соли равон изҳори хушнудӣ карда шуд, зеро афзоиши маҷмӯи маҳсулоти дохилӣ дар ин муддат ба 7,5 фоиз ва таваррум ба 5,6 фоиз расидааст.Ҳамзамон бо ин ба таҳия ва қабули барномаи нав ва идомаи ҳамкории босамар ҳарду ҷониб изҳори ҳавасмандӣ карданд. Таъкид гардид, ки ҳамкории Тоҷикистон бо ХБА дар соҳаи макроиқтисодӣ, фискалӣ ва пулӣ, инчунин амалӣ намудани дигаргуниҳои сохтории пешбинишуда, ки ба рушди муътадили иқтисоди кишвар дар давраи мушкилоти афзояндаи ҷаҳонию минтақавӣ нигаронда шудаанд, бояд идома ёбад.Гуфтугӯи судманд, ҳамчунин доир ба роҳҳои таъмини амнияти энергетикию озуқавории Тоҷикистон ва беҳсозии тадриҷии некуаҳволии мардуми кишвар ва ҳамчунин дигар мавзӯъҳои мавриди таваҷҷуҳ сурат гирифт.
Дар ин бора ба АМИТ «Ховар» аз Хадамоти матбуоти Президенти Ҷумҳурии Тоҷикистон иттилоъ доданд.








Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд






