Мулоқоти Н.Зоҳидов бо Ж.Якоб
Душанбе, 14 ноябр. (АМИТ «Ховар»). – 13 ноябр дар шаҳри Душанбе мулоқоти муовини вазири корҳои хориҷии Ҷумҳурии Тоҷикистон Низомиддин Зоҳидов бо раиси минтақавии Маркази аврупоии Созмони умумиҷаҳонии тандурустӣ хонум Жужанна Якоб баргузор гардид.Дар ҷараёни мулоқот муносибатҳои дуҷонибаи Тоҷикистон ва Созмони умумиҷаҳонии тандурустӣ, ҳамкории байни Тоҷикистон ва Созмони мазкур дар ҳошияи барномаи «Созишномаи дусола оид ба ҳамкорӣ» мавриди муҳокима қарор гирифтанд. Жужанна Якоб зикр намуд, ки барои иштирок дар ҳамоиши «Хулосаи муштараки солона» ба Тоҷикистон омадааст. Ба фикри Созмони умумиҷаҳонии тандурустӣ ин барнома воситаи намунавии ҳамкории байни Тоҷикистон ва созмони мазкур мебошад. Ҷонибҳо ҳамчунин масоили тандурустӣ ва ҷилавгирии бемориҳои сирояткунанда, аз қабили вараҷа, ВИЧ/СПИД ва бемории сил дар ҷумҳуриро муҳокима намуданд.Дар ин бора аз Раёсати иттилоот, матбуот, таҳлил ва тарҳрезии сиёсати хориҷии ВКХ ҶТ ба АМИТ «Ховар» хабар доданд.
Имрӯз дар шаҳри Душанбе ҳаво то 39 дараҷа гарм мешавад
27 июл дар Донишгоҳи давлатии тиҷорати Тоҷикистон ва Донишгоҳи славянии Тоҷикистон-Русия нишасти матбуотӣ баргузор мегардад
Донишгоҳи давлатии Бохтар ҳамкории байналмилалиро бо муассисаҳои хориҷӣ густариш медиҳад
Шаҳрвандон ва соҳибкорон тавассути ПОС – терминалҳо ва ҳамёнҳои электронӣ 3,7 миллион амалиёти ғайринақдӣ анҷом доданд
Имрӯз дар баъзе ноҳияҳои Тоҷикистон чангу ғубор боқӣ мемонад
Имрӯз дар доманакӯҳҳои Тоҷикистон ҳаво то 34 дараҷа гарм мешавад
Дар ду басти истироҳатгоҳи «Дурахшон» 230 нафар кӯдакону наврасон ба фароғат фаро гирифта шуданд
Имрӯз дар водиҳои Тоҷикистон ҳаво то 32 дараҷа гарм мешавад
