Мулоқоти Р.Солиев бо И.Бокова

Душанбе, 23 ноябр. (АМИТ «Ховар»). – Чанде пеш намояндаи доимии Ҷумҳурии Тоҷикистон дар ЮНЕСКО, сафир Рустамҷон Солиев ва раиси кулли ЮНЕСКО Ирина Бокова дар шаҳри Париж масоили маориф ва илму фарҳангро мавриди муҳокима қарор доданд.Ҷонибҳо дар ҷараёни сӯҳбат доираи васеи масъалаҳои вазъи ҳозира ва дурнамои рушди ҳамкории Ҷумҳурии Тоҷикистон ва ЮНЕСКО – ро баррасӣ намуданд.Ирина Бокова тамоюли устувори равобити байни ЮНЕСКО ва Тоҷикистонро ба таври махсус қайд намуд. Мусоҳибон ҳамчунин ба мавзӯъҳои муҳими ҳамкории Тоҷикистон бо ЮНЕСКО, аз ҷумла ба масъалаи ба санади дахлдори ЮНЕСКО ворид намудани иншоотҳои дорои хусусияти моддию ғайримоддии фарҳангии Ҷумҳурии Тоҷикистон, ҳамчунин ба лоиҳаҳои дигари ҳамкорӣ дар бахшҳои илму техника дахл карданд.