Мусодираи маводи нашъаовар

Душанбе, 13 ноябр. (АМИТ «Ховар», Лутфия Эшонқулова). – Кормандони милисаи тоҷик дар шаҳри Исфараи вилояти Суғд беш аз 27 килограмм тарёкро мусодира намуданд.Назар ба хабари Вазорати корҳои дохилии Ҷумҳурии Тоҷикистон, рӯзи якшанбеи гузашта дар ҷараёни амалиёти махсус дар ҳудуди истгоҳи қатораи шаҳри Исфара аз автомобили бе рақами давлатӣ 27 килограмму 03 грамм тарёк пайдо гардид.Ду нафар сокинони ноҳияи Рӯдакӣ бо гумони қочоқи маводи нашъаовар дастгир шуданд. Аз рӯи ин қазия парвандаи ҷиноӣ кушода, тафтишот идома дорад.