Нақшаи генералӣ ба ҳукумат ироа мегардад

Ноябрь 1, 2012 14:38

Душанбе, 1 ноябр.(АМИТ «Ховар», Марзия Саидова).- «Қабули Кодекси шаҳрсозӣ ба амалӣ шудани Нақшаи генералии шаҳри Душанбе ягон таъсир намерасонад», мегўяд Абдувалӣ Комилов- раиси Агентии сохтмон ва меъмории назди Ҳукумати ҷумҳурӣ. Мавсуф зикр кард, ки Нақшаи генералии шаҳри Душанбе, ки таҳияи он аз ҷониби Пажуҳишгоҳи лоиҳакашии «Гипрогор»-и шаҳри Маскав сурат мегирад, дар арафаи анҷомёбист ва рўзҳои наздик барои тасдиқ ба Ҳукумати кишвар пешниҳод мешавад. Нақшаи генералии шаҳри Душанбе дурнамои 30 соли минбаъдаи рушди пойтахтро дар бар мегирад. Раиси Агентии сохтмон ва меъмории назди Ҳукумати ҷумҳурӣ ҳамзамон афзуд, ки қабули Кодекси шаҳрсозӣ ҷараёни корҳои сохтмониро дар якчанд соли оянда ба нақша гирифтааст, аз ин рў ба Нақшаи генералии пойтахт таъсир намегузорад. А. Комилов ҳамзамон афзуд: дар Нақшаи генералии шаҳр бобҳои алоҳида вуҷуд доранд, ки онҳо таъмини аҳолӣ бо нерўи барқ, об, роҳи фаъолияти нақлиёти шаҳрӣ ва дигар масоили марбут ба шабакаҳои муҳандисиро дар бар мегиранд. Он биноҳои баландошёнае, ки сохта мешаванд, ҳамаашон бо об таъмин мегарданд ва дар ин самт мушкилоте пеш нахоҳад омад. Бояд тазаккур дод, ки ҳафтаи гузашта палатаи поёнии парлумони Тоҷикистон Кодекси шаҳрсозиро баррасӣ ва қабул намуда буд.

Ноябрь 1, 2012 14:38

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд