Нафақахӯр писарашро ба қатл расонд

Душанбе, 19 ноябр. (АМИТ «Ховар», Ибодат Давлатова).-Дирӯз аз ҷониби кормандони мақомоти корҳои дохилӣ дар ноҳияи Фирдавсӣ шаҳрванд Раҷаб Каримов, соли таваллудаш 1943, сокини кӯчаи .Фирдавсӣ, нафақахӯр, ҳамчун гумонбар дар расонидани зарари вазнини ҷисмонӣ дастгир карда шуд.Тавре ки ба мухбири АМИТ «Ховар» аз хадамоти матбуоти Вазорати корҳои дохилии Ҷумҳурии Тоҷикистон хабар доданд, номбурда рӯзи 17 ноябри соли ҷорӣ дар хонаи истиқоматиаш дар ҳолати мастӣ бо писараш Муҳаммадяҳё Каримов, соли таваллудаш 1972 муноқиша намуда, ба воситаи корд як зарба ба қафаси синаи писараш задааст. Дар натиҷа писараш ҷароҳати вазнини ҷисмонӣ бардошта, дар беморхона бистарӣ шуда, пас аз 5-соат ба ҳалокат расидааст. Аз рӯи ин ҳодиса парвандаи ҷиноӣ оғоз гардида, тафтиш идома дорад.