Нишони «Олими беҳтарини сол»

Душанбе, 29 ноябр. (АМИТ «Ховар», Лаззат Диловарзод).- Дастовардҳои олимони Пажуҳишгоҳи чорводорӣ сазовори Ҷоизаи ба номи академик С.У. Умаров ва нишони «Олими беҳтарини сол» дар соҳаи кишоварзӣ гардид,- иброз намуданд дар Академияи илмҳои кишоварзии ҶТ ба мухбири АМИТ «Ховар».Ба иттилои манбаъ, истифодаи қӯшқорҳои зотии аводи зотпарварии «Ҳисор»-и ноҳияи Фархор ва хоҷагии фермерии «Дилшод»-и ноҳияи Варзоб барои беҳтар намудани хусусиятҳои ирсӣ, сифати зот ва баланд шудани маҳсулнокии рамаҳои хоҷагиҳои ҷамоавӣ ва фермерии ноҳияҳои Варзоб, Данғара, Роғун, Ҷалолиддини Румӣ, Ҳамадонӣ, хоҷагиҳои шахсии вилояти Суғд ва ноҳияҳои тобеи ҷумҳурӣ мусоидат намуд.Бо истифода аз роҳи дурагакунӣ вазни зиндаи барраҳои навзод як баробар зиёд гардид. Дар гуруҳҳои селексионии бузҳои ранги пашмашон гуногун рамаи бузҳои ранги пашмашон якхела ба даст оварда шуд.Бори аввал дар филиали Пажуҳишгоҳи чорводорӣ воқеъ дар вилояти Суғд дар масоҳати 530 га қитъаи таҷрибавӣ барои гузаронидани корҳои илмию таҳқиқотӣ оид ба бузпарварӣ таъсис дода шудааст.