Олими тоҷик узви Академияи забони арабӣ шуд

Душанбе, 20 ноябр. (АМИТ “Ховар”).-Тавре ки аз сафорати Ҷумҳурии Тоҷикистон дар Ҷумҳурии Мисри Араб хабар доданд, арабшиноси шинохтаи тоҷик, мудири кафедраи забони арабии факултаи забонҳои шарқи Донишгоҳи миллии Тоҷикистон доктор Абдураҳмон Сулаймонов тибқи қарори Вазорати таълими олии Ҷумҳурии Мисри Араб ба ҳайси узви вобастаи Академияи забони арабӣ (қароргоҳ дар Қоҳира) тасдиқ шудааст.Шоистаи ёдоварист, ки доктор А. Сулаймонов аз минтақаи Осиёи Марказӣ то ин дам ягона олимест, ки барои хизматҳои шоёнаш дар соҳаи арабшиносӣ шарафи узвияти ин Академияи бонуфуз ва муътабари ҷаҳони арабро ноил шудааст.Раиси Академияи забони арабӣ доктор Ҳасан Маҳмуд аш-Шофеъӣ зимни табрикномаи худ аз узви вобаста доктор Абдураҳмон Сулаймонов барои иштирок дар конфронси илмии академия, ки моҳи марти соли оянда дар Қоҳира баргузор хоҳад шуд, даъват ба амал овардааст.