Омодагӣ ба зимистон

Рашт, 8 ноябр. (АМИТ «Ховар», М.Ризвонов). – Муассисаҳои маорифу тандурустии ноҳияи Рашт ба давраи зимистони солҳои 2012 – 2015 омода шудаанд. Дар ноҳия 16 нуқтаи фурӯши ангиштсанг, 8 нуқтаи фурӯши гази моеъ ташкил шуда, барои зимистонгузаронии муассисаҳои маорифу тандурустӣ ва фарҳангу иҷтимоиёт 385 тонна ангиштсанг, 1141 метри мукааб ҳезум захира шудааст.Бино ба гуфти роҳбари дастгоҳи ноҳияи Рашт А. Камолов муассисаҳои мазкур пурра аз таъмир бароварда шуда, соҳаи маориф бо 56 адад ва муассисаҳои тандурустӣ бо 15 адад генераторҳои дизелӣ таъмин гардиданд ва онҳо дар ҳолатҳои набудани қувваи барқ аз ин дастгоҳҳо истифода хоҳанд кард.