Овозхони маҳбуб – машшоқи мумтоз

Турсунзода, 5 ноябр. (АМИТ «Ховар», Ҳотам Рабиев).- Дар толори шуъбаи фарҳанги шаҳр 25-солагии фаъолияти эҷодии овозхони хушадо Ҳабибулло Кенҷаев баргузор гардид. Дар ҷамъомад дўстдорони санъати волои ин ҳунарманди мумтоз ҷамъ омада буданд. Дар маҳфили бошукуҳ ҳофизони дўстдоштаи мардум Ҳоҷӣ Ҳусайни Насриддин, Комилҷон Ғаниев, Шамсиддин Муҳиддинов, Каримҷон Назаров, шоирон Ҳидоятуллоҳ Раҳмонӣ, Абдуҳамид Самадзода, Абдуқаҳҳори Қосим ва дигарон суханронӣ намуда, ба ҳунари Ҳабибулло Кенҷаев баҳои баланд доданд. Аз ҷумла зикр шуд, ки Ҳабибулло Кенҷаев аз иҷрои ғижжак, ки навохтани он аз ҳунарманд истеъдоди нотакрор талаб дорад, бо сарбаландӣ мебарояд ва бо оҳангу сурудҳои пурмазмун дар дили халқ роҳ ёфтааст.Боиси таъкид аст, ки чунин чорабиниҳои фарҳангӣ бо ташаббуси мудири шуъбаи фарҳанги шаҳр Аҳмадҷон Маҳмудов зуд-зуд баргузор мегардад.