Озмуни «Тирамоҳи заррин»

Душанбе, 7 ноябр. (АМИТ «Ховар», Назир Назиров). – Бо ибтикори Вазорати маорифи ҶТ ва Маркази ҷумҳуриявии таҳсилоти иловагӣ ва бо дастгирии Кумитаи ҳифзи муҳити зисти назди Ҳукумати ҶТ озмуни ҷумҳуриявии «Тирамоҳи заррин» баргузор гардид. Вазири маорифи ҶТ Нуриддин Саидов ҳамаи иштирокдорон ва меҳмонони озмунро муборакбод намуда, роҳандозии онро ба дараҷаи баланд арзёбӣ кард.Дар озмун хонандагони шаҳри Душанбе, вилояти Суғд, шаҳрҳои Турсунзода, Ваҳдат, Роғун, ноҳияҳои Ҳисор, Ҷиргатол, Нуробод, Тавилдара, Рӯдакӣ, Тоҷикобод ва ВМКБ иштирок доштанд.Ба намоишгоҳ рамзҳои давлатӣ – парчаму нишон, расму нигораҳо, экибану гербарийҳо, албомҳои экологӣ, рӯзномаҳои деворӣ дар мавзӯи ҳифзи табиат, талбисҳо аз партовҳои истеҳсолот, муҷассамаҳои аз сабзавоту мева сохташудаи ҳайвоноту парранда ва ғайра пешниҳод гардид.Ғолибони озмун бо ифтихорномаю инъомҳои қиматбаҳо мукофотонида шуданд.