Паҳлавонони тоҷик дар Минск соҳиби медал шуданд
Душанбе, 12-ноябр. (АМИТ «Ховар», Зарангез Латифова).-Аз 9-ум то 11-уми ноябри соли ҷорӣ дар шаҳри Минск мусобиқаи қаҳрамонии ҷаҳон оид ба самбои рамзӣ ё ҷангӣ баргузор гардид. Дар он варзишгарони 64 давлати дунё ширкат варзиданд. Паҳлавонони тоҷик низ дар ин мусобиқаи варзишӣ иштирок карда, соҳиби се медал гаштанд. Акмалиддин Каримов, паҳлавони маъруфи тоҷик дар сабқати самбои варзишӣ миёни мардон дар вазни то 57 кг қувваозмоӣ карда, соҳиби ҷои дуввум ва медали нуқра гашт. Намояндаи дигари Тоҷикистон Низомиддин Охиров дар вазни то 62 кг дар ҷойи севвум қарор гирифт ва медали биринҷиро сазовор шуд. Айниддин Қурбонов дар сабқати самбои рамзӣ медали сеюми Тоҷикистонро ба даст оварда, дар вазни то 52 кг сазовори ҷои дуюм шуд ва соҳиби медали нуқра гардид.
Имрӯз дар шаҳри Душанбе ҳаво то 39 дараҷа гарм мешавад
27 июл дар Донишгоҳи давлатии тиҷорати Тоҷикистон ва Донишгоҳи славянии Тоҷикистон-Русия нишасти матбуотӣ баргузор мегардад
Донишгоҳи давлатии Бохтар ҳамкории байналмилалиро бо муассисаҳои хориҷӣ густариш медиҳад
Шаҳрвандон ва соҳибкорон тавассути ПОС – терминалҳо ва ҳамёнҳои электронӣ 3,7 миллион амалиёти ғайринақдӣ анҷом доданд
Имрӯз дар баъзе ноҳияҳои Тоҷикистон чангу ғубор боқӣ мемонад
Имрӯз дар доманакӯҳҳои Тоҷикистон ҳаво то 34 дараҷа гарм мешавад
Дар ду басти истироҳатгоҳи «Дурахшон» 230 нафар кӯдакону наврасон ба фароғат фаро гирифта шуданд
Имрӯз дар водиҳои Тоҷикистон ҳаво то 32 дараҷа гарм мешавад
