Пахта – ашёи пурқиммат

Турсунзода, 7 ноябр. (АМИТ «Ховар», Ҳотам Рабиев).-Дар хоҷагиҳои пахтакори ноҳияи Турсунзода ҷамъоварии пахта босуръат идома дорад. Ба наздикӣ деҳқонони хоҷагии «Намуна», ки яке аз хоҷагиҳои пешқадам маҳсуб мешавад, аз иҷрои нақша мужда расонданд. Деҳқонони хоҷагӣ зиёда аз 480 тонна пахта ҷамъ оварданд, ки 30 тоннаи он илова ба нақша аст. Тавре ки раиси хоҷагии мазкур Саъдулло Ишмирзоев зикр кард, деҳқонон азм доранд, ки тамоми ҳосили боқимондаро ба пуррагӣ ҷамъ оваранд.Ҳоло хоҷагиҳои «Ҳақиқат», «Экспресс», «СНД» илова ба нақша пахта месупоранд.Умуман деҳқонони ноҳияи Турсунзода азм доранд, ки имсол зиёда аз 6590 тонна пахтаи аълосифат ҷамъ оваранд.