Пинҳон кардани ҷиноят ҷиноят аст

Хоруғ, 3 ноябр. (АМИТ «Ховар», Л.Додо ). – Прокуратураи ВМКБ ва шаҳру ноҳияҳои он дар нуҳ моҳи соли равон 20 адад ҷинояти аз қайду ҳисоб пинҳоншударо ошкор намуданд. Аз ҷумлаи ин пинҳонкориҳо 7 ҷиноят ба дастгоҳи прокуратураи вилоят, 3 адад ба прокуратураи ноҳияи Рӯшон, 4 адад ба прокуратураи ноҳияи Ишкошим, 2 адад ба прокуратураи ноҳияи Дарвоз, 3 адад ба прокуратураи ноҳияи Ванҷ рост меоянд. Дар ин муддат аз тарафи кормандони шуъбаи корҳои дохилӣ дар шаҳри Хоруғ 8 ҷиноят, дар ноҳияи Ишкошим 4 адад, дар ноҳияи Рӯшон 3 адад, дар ноҳияи Ванҷ 1 адад, дар ноҳияи Дарвоз 2 адад ҷиноят дар натиҷаи гузаронидани санҷишҳои прокурорӣ ошкор гардиданд.