Посбонгоҳҳои нави сарҳадӣ

Душанбе, 7 ноябр. (АМИТ «Ховар», Лутфия Эшонқулова). – Дар сарҳади Тоҷикистону Афғонистон воқеъ дар ноҳияи Ҳамадонии вилояти Хатлон ду посбонгоҳи нави сарҳадӣ мавриди истифода қарор гирифт.Тавре ки сардори маркази матбуоти Сарраёсати қӯшунҳои сарҳадии Тоҷикистон Хушнуд Раҳматуллоев ба АМИТ «Ховар» хабар дод, 6 ноябр бо иштироки раиси Кумитаи давлатии амнияти миллии Тоҷикистон Саймуддин Ятимов, фармондеҳи қӯшунҳои сарҳадӣ Шералӣ Мирзо ва Сафири ИМА дар Тоҷикистон Сюзен М.Эллиот маросими ифтитоҳи посбонгоҳҳои сарҳадии «Оқмазор» ва «Сайёд» баргузор гардид.Посбонгоҳҳои нави сарҳадӣ бо мадади молиявии Сафорати ИМА дар Тоҷикистон ба маблағи беш аз 4 миллион сомонӣ сохта ва ҷиҳозонида шудаанд.