Рисолати таърихии Иҷлосияи сарнавиштсоз

Ноябрь 15, 2012 17:24

Душанбе, 15 ноябр.(АМИТ «Ховар», Марзия Саидова).- 20-умин солгарди Иҷлосияи 16-уми таърихии Шўрои Олии Ҷумҳурии Тоҷикистон фардо дар Душанбе таҷлил мегардад.Ба ин муносибат 16 ноябр дар Маҷмааи давлатии «Кохи Борбад»-и Душанбе бо иштироки Президенти Ҷумҳурии Тоҷикистон Эмомалӣ Раҳмон маҷлиси тантанавӣ ва консерти идона баргузор мешавад. Ба маҷлиси тантанавӣ аъзои ҳукумати мамлакат, вакилони палатаҳои парлумони кишвар-Маҷлиси миллӣ ва Маҷлиси намояндагон аҳли зиёи ҷумҳурӣ ва намояндагони корпусҳои дипломатии муқими Тоҷикистон даъват гардидаанд. Ҳамзамон 19 ноябр дар вилояти Суғд дар Қасри Арбоб, ки макони баргузории Иҷлосияи 16-уми Шўрои Олӣ буд, маҷлиси тантанавӣ доир мегардад.  Бояд тазаккур дод, ки 20 сол муқаддам дар Қасри Арбоб Иҷлосияи 16-уми таърихии Шўрои Олии Ҷумҳурии Тоҷикистон дар вазъияте, ки дар кишвар муқовиматҳои сиёсӣ идома доштанд, даъват карда шуд. Он то 2 декабри соли 1992 идома ёфт. Рисолати таърихии Иҷлосияи 16-уми Шўрои Олӣ, ки ҳамчун рўйдоди муҳими сарнавиштсоз маҳсуб мешавад, ҷиҳати интихоби Роҳбари давлати Тоҷикистон, аз парокандагӣ эмин доштани миллати тоҷик, бо ҳам овардани нерўҳои сиёсиву иҷтимоӣ хеле бузург аст.

Ноябрь 15, 2012 17:24

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд