Рисолати таърихии Иҷлосияи сарнавиштсоз

Душанбе, 15 ноябр.(АМИТ «Ховар», Марзия Саидова).- 20-умин солгарди Иҷлосияи 16-уми таърихии Шўрои Олии Ҷумҳурии Тоҷикистон фардо дар Душанбе таҷлил мегардад.Ба ин муносибат 16 ноябр дар Маҷмааи давлатии «Кохи Борабда»-и Душанбе бо иштироки Президенти Ҷумҳурии Тоҷикистон Эмомалӣ Раҳмон маҷлиси тантанавӣ ва консерти идона баргузор мешавад. Ба маҷлиси тантанавӣ аъзои ҳукумати мамлакат, вакилони палатаҳои парлумони кишвар-Маҷлиси миллӣ ва Маҷлиси намояндагон аҳли зиёи ҷумҳурӣ ва намояндагони корпусҳои дипломатии муқими Тоҷикистон даъват гардидаанд. Ҳамзамон 19 ноябр дар вилояти Суғд дар Қасри Арбоб, ки макони баргузории Иҷлосияи 16-уми Шўрои Олӣ буд, маҷлиси тантанавӣ доир мегардад. Бояд тазаккур дод, ки 20 сол муқаддам дар Қасри Арбоб Иҷлосияи 16-уми таърихии Шўрои Олии Ҷумҳурии Тоҷикистон дар вазъияте, ки дар кишвар муқовиматҳои сиёсӣ идома доштанд, даъват карда шуд, ки он то 2 декабри соли 1992 идома ёфт. Рисолати таърихиии Иҷлосияи 16-уми Шўрои Олӣ, ки ҳамчун рўйдоди муҳми сарнавиштсох маҳсуб меёбад, ҷиҳати ба сари қудрат овардани Роҳбари давлати Тоҷикистон Эмомалӣ Раҳмон , аз парокандагӣ эмин доштани миллати тоҷик, бо ҳам овардани нерўҳои мухолифу разманда хеле бузург аст.