Роҳбарони парлумонҳо авзои Афғонистонро матраҳ карданд
Душанбе, 23 ноябр.(АМИТ «Ховар», Марзия Саидова).-«4 декабри соли равон дар пойтахти Қазоқистон -шаҳри Остона мизи мудаввар марбут ба мавзўи Афғонистон гузаронида мешавад, ки дар он намояндагони Тоҷикистон ҳам даъват мешаванд», зикр кард дар рафти мулоқоташ дар Санкт-Петербург раиси палатаи поёнии парлумони Қазоқистон Нурлан Нигматулин бо ҳамтои тоҷикаш- Шукурҷон Зуҳуров- раиси Маҷлиси намояндагони Маҷлиси Олии Ҷумҳурии Тоҷикистон. Ҷонибҳо бо баррасии авзои минтақа, ба вазъияти Афғонистон дахл намуда, ба ҷорӣ намудани таҷрибаи сулҳи тоҷикон дар мавриди ҳалли қазияи Афғонистон таваҷҷўҳ зоҳир карданд. Шукурҷон Зуҳуров таъкид кард, ки Тоҷикистон барои Афғонистон ҳамеша ҳамчун кишвари дӯсту бародар ва ҳамзабон боқӣ хоҳад монд ва аз мавқеи ин кишвар дар сатҳи созмонҳои байналмилаливу минтақавӣ ҷонибдорӣ хоҳад кард. Мавсуф таъкид кард, ки Тоҷикистон ҷонибдори барқарории сулҳу суботи комил дар Афғонистон ва хостори пешрафтҳои чашмраси ин кишвари ҳамсоя ва ҳамзабони худ аст. Суботи Афғонистон оромии тамоми кишварҳои минтақа буда, рушду пешрафтҳои ин кишвар ба рушду нумўи давлатҳои минтақа низ таъсири мусбат хоҳад расонд. Мо ҷонибдори ҳалли осоиштаи қазияи Афғонистон мебошем,- таъкид кард дар фарҷоми мулоқот Ш. Зуҳуров.
Пагоҳ дар Донишгоҳи давлатии тиҷорати Тоҷикистон ва Донишгоҳи славянии Тоҷикистон-Русия нишасти матбуотӣ баргузор мегардад
«МЕРОСИ МО». Муассисаи фарҳангии ЭКО нахустин ҷашнвораи байналмилалии аксбардории мобилӣ баргузор менамояд
Имрӯз дар водиҳои Тоҷикистон ҳаво то 38 дараҷа гарм мешавад
Имрӯз дар шаҳри Душанбе ҳаво то 39 дараҷа гарм мешавад
Донишгоҳи давлатии Бохтар ҳамкории байналмилалиро бо муассисаҳои хориҷӣ густариш медиҳад
Шаҳрвандон ва соҳибкорон тавассути ПОС – терминалҳо ва ҳамёнҳои электронӣ 3,7 миллион амалиёти ғайринақдӣ анҷом доданд
Имрӯз дар баъзе ноҳияҳои Тоҷикистон чангу ғубор боқӣ мемонад
Имрӯз дар доманакӯҳҳои Тоҷикистон ҳаво то 34 дараҷа гарм мешавад
